Բելառուսի նախագահ Ալեքսանդր Լուկաշենկոն շնորհավորել է իր թուրք գործընկեր Ռեջեփ Թայիփ Էրդողանին ազգային տոնի՝ Հանրապետության օրվա առթիվ։ Այս մասին հայտնել է Բելառուսի ղեկավարի մամուլի ծառայությունը։
«Անկախության տարիներին ձեր երկիրն, անշուշտ, զգալի հաջողությունների է հասել պետականաշինության բոլոր բնագավառներում, վստահորեն շարժվում է առաջընթացի և արդիականացման ճանապարհով՝ կարևոր դեր խաղալով տարածաշրջանում և աշխարհում խաղաղության և կայունության պահպանման գործում», - ասվում է շնորհավորանքում:
«Մեծ հաճույքով եմ հիշում այս տարվա հուլիսին Աստանայում մեր բովանդակալից հանդիպումը, ես պատրաստ եմ շարունակել երկկողմ շփումները և երախտագիտությամբ կօգտվեմ Թուրքիա պաշտոնական այց կատարելու ձեր հրավերից»,- ընդգծել է նախագահը։
Նրա խոսքով՝ Մինսկին և Անկարային կապում են բազմաթիվ հետաքրքիր նախագծեր տարբեր ոլորտներում` առևտրից և ներդրումներից մինչև հումանիտար ոլորտ:
