ԱՄՆ պետքարտուղար Մարկո Ռուբիոն իր ֆրանսիացի գործընկերոջ հետ հեռախոսազրույցի ժամանակ հայտարարել է, որ Միացյալ Նահանգները չի պլանավորում ներխուժել Գրենլանդիա, հայտարարել է Ֆրանսիայի արտաքին գործերի նախարար Ժան-Նոել Բարոն։
Ավելի վաղ «Wall Street Journal»-ը, հղում անելով աղբյուրներին, հայտնել էր, որ Ռուբիոն բարձրաստիճան պաշտոնյաների հետ փակ դռների հետևում կայացած ճեպազրույցի ժամանակ հայտարարել է, որ Վաշինգտոնը Գրենլանդիա ներխուժելու ծրագրեր չունի:
Պետքարտուղարի խոսքով՝ ԱՄՆ նպատակն է կղզին գնել Դանիայից:
«Ես երեկ հեռախոսով խոսեցի պետքարտուղար Ռուբիոյի հետ։ Նա հաստատեց, որ Գրենլանդիա ներխուժելը այն մոտեցումը չէ, որը Միացյալ Նահանգներն է որդեգրում», - ասել է Բարոն «Ռադիո Ֆրանսիա»-ի եթերում։
Ֆրանսիացի նախարարի խոսքով՝ Ռուբիոն բացառել է Վենեսուելայում տեղի ունեցած սցենարի կրկնությունը Գրենլանդիայում։
