Իսրայելի վարչապետ Բենիամին Նեթանյահուն խնդրել է Ռուսաստանի նախագահ Վլադիմիր Պուտինին Թեհրանին փոխանցել, որ Իսրայելը մտադիր չէ հարձակվել Իրանի վրա, հաղորդում է «Կան» պետական հեռուստաընկերությունը՝ հղում անելով դիվանագիտական աղբյուրին։
Այս խնդրանքը Իսրայելի վարչապետը հնչեցրել է Ռուսաստանի նախագահի հետ վերջերս ունեցած հեռախոսազրույցների ժամանակ։
Կանի խոսքով՝ Նեթանյահուն խնդրել է Պուտինին այս ուղերձը փոխանցել Թեհրանին՝ վախենալով, որ Իրանը կարող է կանխարգելիչ կերպով հարձակվել Իսրայելի վրա՝ Իսրայելի հարվածը կանխելու համար։
Միաժամանակ, պետական հեռարձակողը նշում է, որ Իսրայելի վարչապետը, հունվարի 5-ին Քնեսեթում (խորհրդարան) ելույթ ունենալով, հայտարարել է, որ Իսրայելը Թեհրանին ազդանշան է ուղարկել, որ հրեական պետության վրա հարձակման դեպքում Իրանի համար հետևանքները «ծանր» կլինեն։
Կանի խոսքով՝ Իսրայելի «քաղաքական շրջանակների և անվտանգության գործակալությունների ներկայացուցիչները» «վերջերս քննարկումներ են անցկացրել տարբեր անվտանգության հարցերի շուրջ, այդ թվում՝ իրանական խնդրի»։
