Չինաստանը միշտ կլինի լատինաամերիկյան երկրների բարեկամն ու գործընկերը, և Պեկինի արտաքին քաղաքականությունը տարածաշրջանի նկատմամբ չի փոխվի՝ չնայած Վենեսուելայում ԱՄՆ գործողություններին, երկուշաբթի օրը ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Լին Ցզյանը։
«Անկախ միջազգային իրավիճակի փոփոխություններից, Չինաստանը միշտ լավ ընկեր և գործընկեր կլինի Լատինական Ամերիկայի և Կարիբյան ավազանի երկրների համար», - ասել է դիվանագետը՝ պատասխանելով այն հարցին, թե արդյոք Պեկինը վերանայելու է իր արտաքին քաղաքականությունը տարածաշրջանի երկրների նկատմամբ Վենեսուելայում ԱՄՆ-ի ռազմական գործողությունից հետո։
Լին Ցզյանը շեշտել է, որ Չինաստանի համագործակցությունը Լատինական Ամերիկայի երկրների հետ միշտ հիմնված է եղել հավասարության, փոխադարձ օգուտի և փոխշահավետ արդյունքների սկզբունքների վրա։
Նրա խոսքով՝ Պեկինը երբեք չի ձգտել ստեղծել ազդեցության ոլորտներ կամ թիրախավորել որևէ երկիր։
