Առողջապահության համաշխարհային կազմակերպությունը (ԱՀԿ) դեռ չգիտի, թե արդյոք կազմակերպության ղեկավար Թեդրոս Գեբրեյեսուսը կկարողանա լքել Եմենը հինգշաբթի օրը՝ Սանայի օդանավակայանում իր ինքնաթիռի մոտ տեղի ունեցած Իսրայելի հարձակումից հետո, «ՌԻԱ Նովոստի»-ին հայտնել են կազմակերպության մամուլի ծառայությունից։
Հինգշաբթի ավելի վաղ ԱՀԿ-ի ղեկավարն ասել է, որ օդային հարվածը վնասել է Եմենի Սանայի օդանավակայանում գտնվող ինքնաթիռից մի քանի մետր հեռավորության վրա գտնվող շենքը, որտեղ նա գտնվել է ՄԱԿ-ի պատվիրակության հետ։ Անձնակազմի մեկ անդամ վիրավորվել է:
«Մենք ձեզ կտեղեկացնենք, երբ ավելին իմանանք», – պատասխանել է մամուլի ծառայությունը այն հարցին, թե ԱՀԿ ղեկավարը կկարողանա՞ հինգշաբթի օրը լքել Եմենը։
X սոցիալական ցանցում Գեբրեյեսուսը գրել էր, որ իրենք պետք է սպասեն, մինչև օդանավակայանի վնասը վերականգնվի, դրանից հետո միայն ՄԱԿ-ի պատվիրակությունը կարողանա հեռանալ:
