Ղազախստանի Ակտաու քաղաքում ավիավթարի հետևանքով զոհված և վիրավոր չեչնիայի բնակիչների ընտանիքներին կտրամադրվի համապարփակ, այդ թվում՝ ֆինանսական օգնություն, լրագրողներին հայտնել է Չեչնիայի կառավարության փոխնախագահ Խասան Խակիմովը։
«Ռամզան Ախմատովիչի (Կադիրով, Չեչնիայի ղեկավար) հանձնարարականով այս ավիավթարի հետևանքով զոհվածների և վիրավորների բոլոր ընտանիքներին կտրամադրվի ֆինանսական և անհրաժեշտ այլ օգնություն»,- ասել է Խակիմովը։
Նա պարզաբանել է, որ առաջիկայում կհրապարակվեն ցուցակներ, թե որ բուժհաստատություններն են ընդունում հանրապետությունից տուժածներին։
Ինչպես հայտարարվել է օպերատիվ շտաբի նիստի ժամանակ, այս պահին հայտնի է, որ այդ ինքնաթիռով թռել են հանրապետության ինը բնակիչ։ Նրանցից վեց հոգի այս պահին գտնվում են հիվանդանոցներում, երեքի ճակատագիրն անհայտ է։
«Հարցեր եղան նաև հանրապետությունում մնացած և Ադրբեջան վերադառնալ չկարողացած ուղևորների վերաբերյալ, նրանց բոլորին տեղավորեցին հյուրանոցներում, օրական երեքանգամյա սնունդ կստանան և առաջիկա օրերին հնարավորություն կունենան վերադառնալ»,- ասել է Խակիմովը։
