Ադրբեջանի նախագահ Իլհամ Ալիևը հայտարարել է, որ դեռ վաղ է խոսել Azerbaijan Airlines ավիաընկերության՝ Բաքվից Գրոզնի թռչող ինքնաթիռի կործանման պատճառների մասին։
Նրա խոսքով՝ ըստ իրեն տրամադրված տեղեկատվության, AZAL ընկերության ինքնաթիռը, որն ընթացել է Բաքու-Գրոզնի երթուղով, եղանակային պայմանների վատթարացման պատճառով փոխել է ուղղությունը և սկսել շարժվել դեպի Ակտաուի օդանավակայան, որտեղ վայրէջքի ժամանակ վթարվել է:
«ԶԼՄ-ներում և սոցցանցերում կան վթարի կադրերը, որոնք հասանելի են բոլորին, սակայն աղետի պատճառները հայտնի չեն։ Կան տարբեր վարկածներ։ Կարծում եմ՝ դեռ վաղ է խոսել այդ թեմայով։ Հարցը պետք է ամբողջությամբ քննվի»,- ասել է Ալիևը։
