Պորտուգալիայի ափերի մոտ շարունակում է մնալ գանձերով բեռնված շուրջ 250 նավ, որոնցից միայն մեկում կարող է լինել մինչև 22 տոննա ոսկի և արծաթ։ Գտածոյի մասին հայտնել է պորտուգալացի հնագետ Ալեշանդրի Մոնտեյրուն։ Այդ մասին տեղեկանում ենք ՏԱՍՍ գործակալությունից:
«Մենք գիտենք, որ այնտեղ (խմբ.՝ ծովի հատակին) կա 250 նավ՝ գանձերով», - մեջբերում է նրա խոսքը տեղական Observador թերթը:Գիտնականի խոսքով՝ իրեն հաջողվել է ստեղծել տվյալների բազա, որը թույլ է տվել որոշել Պորտուգալիայի ջրերում՝ Մադեյրայի, Ազորյան կղզիների և մայրցամաքի ափերի մոտ խորտակված նավերի մեծ մասի գտնվելու վայրը։
Դրանց թիվը 16-րդ դարից ի վեր կազմում է մոտ 8620:«Ես գիտեմ, որ Տրոյայի դիմաց ծովի հատակին է գտնվում 1589 թվականի իսպանական Nossa Senhora do Rosario նավը:
Կատարել եմ հետազոտություն այնտեղ կա 22 տոննա ոսկի և արծաթ», - ասել է Մոնտեյրուն։
Պորտուգալիան եղել է 15-րդ և 16-րդ դարերում Հարավային Ամերիկայում, Աֆրիկայում և Օստ Ինդիայում անդրծովյան տիրակալություններով խոշորագույն գաղութային տերություններից մեկը:
Պորտուգալական գաղութային կայսրության աստիճանական տրոհման արդյունքում առաջացան այնպիսի անկախ պետություններ, ինչպիսիք են, այդ թվում, Բրազիլիան, Անգոլան, Մոզամբիկը:
