Ճապոնիայի խորհրդարանի ստորին պալատում նոր վարչապետի ընտրության քվեարկությունը տեղի կունենա հոկտեմբերի 21-ին։ Այս մասին Ներկայացուցիչների պալատի հանձնաժողովին տեղեկացրել է կաբինետի գլխավոր քարտուղար Յոշիմասա Հայաշին։
«Կիոդո» լրատվական գործակալության փոխանցմամբ՝ իշխող «Լիբերալ-դեմոկրատական կուսակցությունը» (ԼԴԿ) ներկայումս վերջին նախապատրաստական աշխատանքներն է կատարում առաջիկա ընտրությունների համար, որոնց ընթացքում նորընտիր նախագահ Սանաե Տակաիչիին կառաջադրի վարչապետի պաշտոնում։
Ընդգծվում է, որ ընդդիմադիր կուսակցությունները նույնպես ակտիվորեն աշխատում են միասնական թեկնածուի շուրջ համաձայնության գալու ուղղությամբ: Եթե հիմնական ընդդիմադիր կուսակցությունների միջև համաձայնության հասնեն, դա կարող է թույլ տալ նրանց զավթել իշխանությունը, որը 2012 թվականից ի վեր գտնվում է «Լիբերալ-դեմոկրատական կուսակցության» ձեռքում:
Առաջիկա քվեարկության արդյունքը մնում է անկանխատեսելի՝ Ճապոնիայի քաղաքական դաշտում «Լիբերալ-դեմոկրատական կուսակցության» գլխավորած իշխող կոալիցիայի փլուզումից ի վեր տիրող անորոշության ֆոնին։
