Քենիայի նախկին վարչապետ Ռայլա Օդինգան, որը զբաղեցրել է այդ պաշտոնը 2008-ից 2013 թվականներին, մահացել է Հնդկաստանում 80 տարեկան հասակում, հաղորդում է Nairobi Leo լրատվական պորտալը։
Հնդկաստանի Կոչի քաղաքում բուժում ստացող նախկին վարչապետը մահացել է սրտի կանգից: Օդինգան գիտակցությունը կորցրել է առավոտյան զբոսանքի ժամանակ և տեղափոխվել մոտակա հիվանդանոց, որտեղ բժիշկները նրան մահացած են ճանաչել:
Օդինգան 2005 թվականին հիմնադրված ընդդիմադիր «Նարնջագույն ժողովրդավարական շարժում» կուսակցության վաղեմի առաջնորդն էր։ Նա հինգ անգամ անհաջող կերպով առաջադրվել է նախագահի պաշտոնում՝ 1997, 2007, 2013, 2017 և 2022 թվականներին։
