Եվրոպական հանձնաժողովը հոկտեմբերի 16-ին կհաստատի և կներկայացնի ԵՄ ռազմականացման ծրագրի ճանապարհային քարտեզը։ Այս մասին Բրյուսելում կայացած ճեպազրույցի ժամանակ հայտարարել է Եվրոպական հանձնաժողովի խոսնակ Պաուլա Պինյոն։
«Եվրոպական հանձնաժողովը, ինչպես սպասվում է, հինգշաբթի օրը կհաստատի ԵՄ ռազմական պատրաստվածության բարձրացման ճանապարհային քարտեզը, որը նույն օրը ավելի ուշ մամուլի ասուլիսում կներկայացնեն Եվրամիության դիվանագիտական ծառայության ղեկավար Կայա Կալլասը և պաշտպանության հարցերով եվրահանձնակատար Անդրիուս Կուբիլիուսը», - ասել է Պինյոն։
