ՄԱԿ-ի Մերձավոր Արևելքում պաղեստինցի փախստականների օգնության և աշխատանքների գործակալությունը (UNRWA) սնունդ է հասցրել Գազայի հատվածում բնակվող 1 միլիոն մարդու։
Այս մասին կազմակերպությունը հայտարարել է ֆեյսբուքյան իր էջում հրապարակված հայտարարության մեջ։ «Զինադադարի առաջին օրերին UNRWA-ն ներմուծեց բավարար քանակությամբ սնունդ՝ մեկ միլիոն մարդու՝ անկլավի բնակչության կեսին կերակրելու համար։ Մենք ունենք պաշարներ, ռեսուրսներ և անձնակազմ դրանք մատակարարելու համար», – նշվում է հրապարակման մեջ։
UNRWA-ն նաև նշել է, որ Գազայի հատվածում 75 տարվա փորձի վրա հիմնվելով՝ գործակալությունը «ունի գիտելիքներ, ցանց և ծրագրեր՝ տարածաշրջանում արդյունավետորեն օգնություն բաշխելու համար»։
«Մեզ պարզապես անհրաժեշտ է կանաչ լույս Իսրայելի իշխանությունների կողմից», – ընդգծել է գործակալությունը։
