ԱՄՆ նախագահ Դոնալդ Թրամփը հայտարարել է, որ դեռևս մտադիր է նոյեմբերի 1-ից Չինաստանի նկատմամբ 100% առևտրային մաքսատուրքեր սահմանել։
«Այո, այս պահին այդպես է», – Մերձավոր Արևելք թռչող Air Force One ինքնաթիռում լրագրողներին ասել է նա, երբ նրան հարցրել են, թե արդյոք մտադիր է Չինաստանի նկատմամբ 100 տոկոսանոց մաքսատուրքեր սահմանել։ «Կտեսնենք, թե ինչ կլինի»։ Միևնույն ժամանակ, ամերիկացի առաջնորդը նշել է, որ մինչև այդ ամսաթիվը դեռ շատ ժամանակ կա։ «Նոյեմբերի 1-ը ինձ համար հավերժություն է թվում», – ասել է Սպիտակ տան ղեկավարը։
Հոկտեմբերի 10-ին Թրամփը հայտարարեց, որ Վաշինգտոնը նոյեմբերի 1-ից առաջ 100%-ով կբարձրացնի չինական ապրանքների մաքսատուրքերը, ինչպես նաև կսահմանի արտահանման վերահսկողություն ծրագրային ապահովման վրա։
