Հյուսիսային Կորեայի առաջնորդ Կիմ Չեն Ընին տեղափոխող գնացքը կանգ է առել «Պեկինի կենտրոնական կայարանի մոտակայքում», հաղորդում է Yonhap-ը։
«Գնացքը ժամանել է Պեկինի կենտրոնական երկաթուղային կայարանի մոտակայքում Կորեայի ժամանակով մոտավորապես ժամը 17:00-ին», - ասվում է հայտարարության մեջ։
«Կորեայի ձայն» ռադիոկայանը հայտնել է, որ Կիմ Չեն Ընի գնացքը լուսաբացին հատել է Չինաստանի սահմանը։
Ավելի վաղ ԿԺԴՀ-ի արտաքին գործերի նախարարությունը հաստատել էր, որ ԿԺԴՀ-ի առաջնորդը Չինաստան է մեկնել հատուկ գնացքով՝ մասնակցելու ճապոնական ագրեսիայի դեմ Չինաստանի ժողովրդի դիմադրության պատերազմում տարած հաղթանակի 80-ամյակի տոնակատարություններին։ Նրան ուղեկցել են կուսակցական և կառավարության պաշտոնյաներ, այդ թվում՝ արտաքին գործերի նախարար Չհի Սոն Հին։
Yonhap-ը նախկինում հայտնել էր, որ Կիմ Չեն Ընը Փհենյանից լքել է սեպտեմբերի 1-ին կեսօրից հետո։ Ըստ գնահատականների՝ Պեկին հասնելու ճանապարհը կտևի 20-ից 24 ժամ։
