Բրազիլիայի նախագահ Լուիս Ինասիո Լուլա դա Սիլվան հրամայել է սկսել ԱՄՆ-ի 50% մաքսային տուրքերին հակազդեցության միջոցառումներ ձեռնարկելու գործընթացը, հաղորդում է Bloomberg-ը՝ հղում անելով փոխնախագահ Ջերալդո Ալկմինին։
«Հուսով եմ՝ սա կնպաստի երկխոսության և բանակցությունների արագացմանը», - ասել է փոխնախագահը։
Բացի այդ, գործակալության աղբյուրը պարզաբանել է, որ Բրազիլիայի իշխանությունները պաշտոնապես ԱՄՆ կառավարությանը կտեղեկացնեն իրենց որոշման մասին օգոստոսի 29-ին։
Bloomberg-ի փոխանցմամբ՝ Բրազիլիայի արտաքին առևտրի պալատը 30 օրվա ընթացքում կորոշի՝ արդյոք ԱՄՆ միջոցառումները համապատասխանում են Տնտեսական փոխադարձության մասին օրենքին։ Եթե այո, նախարարների խումբը կմշակի հակազդեցությունների ցանկ։
Ավելի վաղ Թրամփը 50% մաքսատուրք էր սահմանել բրազիլական մի շարք ապրանքների, այդ թվում՝ մսի և սուրճի վրա։
