ԱՄՆ պետքարտուղար Մարկո Ռուբիոն Իսրայելի արտաքին գործերի նախարար Գիդեոն Սաարի հետ քննարկել է Գազայի հատվածում, Սիրիայում, Լիբանանում և Իրանում տիրող իրավիճակը, ասվում է ԱՄՆ պետքարտուղարության մամուլի ծառայության տարածած հաղորդագրության մեջ։
Նշվում է, որ ԱՄՆ-ի և Իսրայելի արտաքին քաղաքականության գերատեսչությունների ղեկավարները չորեքշաբթի օրը կայացած հանդիպման ժամանակ քննարկել են «Գազայի, Լիբանանի և Սիրիայի» վերաբերյալ «հիմնական հարցերը»։ Բացի այդ, Ռուբիոն Իսրայելի արտաքին գործերի նախարարության ղեկավարի հետ հանդիպման ժամանակ անդրադարձել է Իրանի ենթադրյալ «չարամիտ ազդեցությանը»։
«Պետքարտուղարը և արտաքին գործերի նախարար Սաարը համաձայնեցին, որ երկու երկրների միջև շարունակական սերտ համագործակցությունը անհրաժեշտ է տարածաշրջանի անվտանգությունն ու բարգավաճումն ապահովելու համար», – ասվում է փաստաթղթում։
