Ռուսաստանի արտաքին գործերի նախարար Սերգեյ Լավրովը և ԱՄՆ պետքարտուղար Մարկո Ռուբիոն կհանդիպեն Նյու Յորքում կայանալիք ՄԱԿ-ի Գլխավոր ասամբլեայի 80-րդ նստաշրջանի շրջանակներում՝ երկկողմ և բազմակողմ հարցեր քննարկելու համար, հայտնել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան։
«Ես դեռ չեմ կարող բացահայտել Լավրովի և Ռուբիոյի միջև ՄԱԿ-ում նախատեսված հանդիպման մանրամասները, քանի որ դրանք գոյություն չունեն։ Ակնհայտ է, որ նրանք կքննարկեն հարցերի լայն շրջանակ՝ թե՛ երկկողմ, թե՛ բազմակողմ։
Օրակարգ, որպես այդպիսին, դեռևս չկա, բայց նման հանդիպում նախատեսված է», - ասել է դիվանագետը Vesti Telegram ալիքով։
