Հարավային Կորեայի կառավարությունը մտադիր չէ նոր պատժամիջոցներ կիրառել Ռուսաստանի դեմ կամ խզել հաղորդակցությունը Մոսկվայի հետ։ Այս մասին Սեուլում լրագրողների հետ հանդիպման ժամանակ հայտարարել է Հարավային Կորեայի արտաքին գործերի նախարար Չո Հյունը։
Նրա խոսքով՝ Կորեայի Հանրապետությունը հասկանում է, որ Ուկրաինայում տիրող իրավիճակը մեծ նշանակություն ունի եվրոպական երկրների համար, և Սեուլը ուշադիր հետևում է Եվրոպայի գործողություններին՝ Ռուսաստանի դեմ պատժամիջոցների վերաբերյալ։
«Մենք մտադրություն չունենք լրացուցիչ պատժամիջոցներ կիրառել կամ հաղորդակցությունը խզել», - հայտարարել է նա։
