Ռուսաստանը չի մասնակցել և չի մասնակցելու վրացական իրադարձություններին, բայց զարմանքով հետևում է Թբիլիսիի գործերին եվրոպական միջամտությանը։ Այս մասին «Россия-24» հեռուստաալիքի եթերում հայտարարել է ՌԴ նախագահի մամուլի քարտուղար Դմիտրի Պեսկովը։
«Մենք ոչ մի կերպ չենք միջամտել, չենք խառնվում Վրաստանի իրադարձություններին, հետևաբար, այստեղ միակ բանը, որից մենք զարմանում ենք, դա վրացական գործերին լիովին բացահայտ միջամտությունն է, եվրոպացիների և վրացական իշխանությունների վրա բացարձակ անամոթ ճնշում գործադրելու փորձերը, իհարկե, արդեն դուրս են եկել սահմսններից»,- ասել է Կրեմլի խոսնակը։
Նա նաև նշել է, որ Մոսկվայի և Թբիլիսիի միջև հարաբերություններն այժմ «բացարձակապես չեն կառուցվում»։
«Վրացական իշխանություններին խորհուրդ տվողը մենք չենք, մենք դա չենք անի, սակայն, ես վստահ եմ, որ այստեղ պետք է մի փոքր համբերատար լինել, և լրագրողների համապատասխան հետաքրքրությամբ նախագահը կպատասխանի բոլոր հարցերին»,- հավելել է Պեսկովը։
