Մոսկվայի և Փհենյանի միջև համագործակցությունը ռազմական ոլորտում ակտիվորեն ընդլայնվում է, այս մասին հայտարարել է ՌԴ պաշտպանության նախարար Անդրեյ Բելոուսովը ԿԺԴՀ պաշտպանության նախարար Նո Գվան Չհոլի հետ Փհենյանում կայացած բանակցություններում։
«Այսօր Ռուսաստանի և ԿԺԴՀ-ի միջև բարեկամական կապերն ակտիվորեն ընդլայնվում են բոլոր ուղղություններում, ներառյալ ռազմական համագործակցության: Մենք տրամադրված ենք իրականացնելու բարձր մակարդակով ձեռք բերված բոլոր համաձայնությունները», - Բելոուսովի խոսքերն է մեջբերում ՏԱԱՍ-ը:
ՌԴ պաշտպանության նախարարն իր համոզմունքն է հայտնել, որ «այսօրվա բանակցությունները կծառայեն պաշտպանական ոլորտում ռուս-կորեական ռազմավարական գործընկերության հետագա ամրապնդմանը»։
Անդրեյ Բելոուսովը նաև հայտարարել է, որ Ռուսաստանի Դաշնության և ԿԺԴՀ-ի միջև Համապարփակ ռազմավարական գործընկերության համաձայնագիրն ուղղված է Հյուսիսարևելյան Ասիայում նոր պատերազմի ռիսկի նվազեցմանը, ինչպես նաև պետք է հիմք դնի եվրասիական անվտանգության նոր համակարգի համար:
