Մեքսիկայի առաջնորդ Կլաուդիա Շեյնբաումը վստահություն է հայտնել, որ ԱՄՆ-ի նորընտիր նախագահ Դոնալդ Թրամփի Սպիտակ տուն ժամանելուց հետո կխուսափեն Մեքսիկայի և ԱՄՆ-ի միջև առևտրային պատերազմից։
«Չի լինի պոտենցիալ մաքսային պատերազմ Մեքսիկայի և Միացյալ Նահանգների միջև»,-ասել է Շեյնբաումը ամենօրյա մամուլի ասուլիսի ժամանակ։
Թրամփը Truth Social սոցիալական ցանցում ավելի վաղ գրել էր, որ 25% մաքսատուրքեր կսահմանի Մեքսիկայից և Կանադայից բոլոր ապրանքների վրա՝ կապված անօրինական միգրացիայի և թմրանյութերի մաքսանենգության հետ։
Մեքսիկայի իշխանությունները պատասխանել են՝ ասելով, որ իրենք կպատասխանեն հայելային ձևով, և առևտրային պատերազմի հետևանքները բացասական կլինեն ԱՄՆ տնտեսության համար։
Շեյնբաումը նաև հավելել է, որ Կանադա-Մեքսիկա-ԱՄՆ առևտրային համաձայնագրի (USMCA) պլանավորված վերանայումը տեղի կունենա 2026 թվականին:
