Գազայի հատվածին Իսրայելի հարվածների հետևանքով առնվազն 11 մարդ է զոհվել։ Այս մասին հայտնում է քաթարական Al Jazeera հեռուստաալիքը։
Գազա քաղաքի հյուսիսային շրջաններում իրականացված գրոհի ժամանակ իսրայելցի զինվորները սպանել են վեց մարդու, եւս մի քանիսին վիրավորել են։ Երեք զոհ և մի քանի վիրավորներ են գրանցվել նաև Շատի փախստականների ճամբարում, որը գտնվում է քաղաքից դուրս, և երկուսը սպանվել են քաղաքի հարավում գտնվող ալ-Զեյթուն շրջանում:
Տեղեկություններ կան նաև Գազայի արևմտյան և հարավ-արևմտյան շրջանների ինտենսիվ հրետանային գնդակոծության մասին, սակայն այդ հարձակումների հետևանքով զոհերի մասին տվյալներ չեն հաղորդվում։
