ԱՄՆ նախագահ Դոնալդ Թրամփը խոստովանել է, որ Ուկրաինայի հակամարտության պատճառով Ռուսաստանի նկատմամբ բարձր մաքսատուրքեր սահմանելու սպառնալիքները Վաշինգտոնի համար ոչ մի արդյունքի չէին հասնի՝ երկկողմ առևտրի ցածր ծավալի պատճառով։
«Մաքսատուրքերը մեզ օգնել են ավարտել ութ պատերազմ։ Ես կասեի, որ այդ ութից հինգ պատերազմներն ավարտվել են մաքսատուրքերի և առևտրի շնորհիվ», - ասել է ամերիկացի առաջնորդը՝ ելույթ ունենալով Ֆլորիդայում հանրապետական աջակիցների համար կազմակերպված հանրահավաքում՝ Կոնգրեսի միջանկյալ ընտրություններից առաջ։
Թրամփը նշել էց, որ ինքը այլ երկրների ներկայացուցիչներին ասել է. «Եթե շարունակեք պայքարել, մենք ձեզ վրա կսահմանենք 200% մաքսատուրքեր»։ «Եվ զարմանալիորեն, նրանք ավարտեցին պատերազմները», - ասել է նա։
«Միգուցե մենք պետք է նույնը անեինք Ուկրաինայի և Ռուսաստանի հետ անմիջապես», - հավելել է Թրամփը։ «Ես երբեք չեմ մտածել դրա մասին։ Բայց մենք բավարար քանակությամբ ապրանքներ չենք գնում, որպեսզի դա անենք նրանց հետ, ուստի դա չի աշխատում»,-նշել է նա։
