Գազայի հատվածում շարունակվող մարտերի ընթացքում առնվազն 188 լրագրող է զոհվել։ Այս մասին հայտնում է լիբանանյան Al Mayadeen հեռուստաալիքը՝ հղում անելով պաղեստինյան անկլավի կառավարությանը։
«2023 թվականի հոկտեմբերին պաղեստինա-իսրայելական հակամարտության սրումից հետո Գազայի հատվածում սպանված լրագրողների թիվը հասել է 188-ի»,-հայտնում է կառավարության մամուլի ծառայությունը։
Կատարյան Al Jazeera հեռուստաալիքը նոյեմբերի 3-ին հայտնել էր, որ Գազայի հատվածում 182 լրագրող է սպանվել։ Հեռուստաալիքը նաև նշել է, որ լրատվամիջոցների աշխատակիցներից շատերը սպանվել են իրենց ընտանիքների բոլոր անդամների հետ միասին:
