Վրաստանի վարչապետ Իրակլի Կոբախիձեն վստահություն է հայտնել, որ իշխող «Վրացական երազանք - ժողովրդավարական Վրաստան» կուսակցությունը կհաղթի երկրի բոլոր 64 մունիցիպալիտետներում՝ առաջիկա տեղական ինքնակառավարման մարմինների ընտրություններում։
«Մենք լիովին կենտրոնացած ենք մեր ընտրական խնդիրների վրա։ Մենք ունենք միայն մեկ նպատակ և խնդիր՝ հաղթել բոլոր 64 համայնքներում, թե՛ քաղաքապետի, թե՛ ժողովի մակարդակով։ Մենք լիովին վստահ ենք, որ կհաղթենք բոլոր 64 համայնքներում քաղաքապետի և ժողովի ընտրություններում», - լրագրողների հետ զրույցում ասել է Կոբախիձեն։
Վրաստանում տեղական ինքնակառավարման մարմինների ընտրությունները տեղի կունենան հոկտեմբերի 4-ին։ Տասնյոթ կուսակցություններ ցանկություն են հայտնել մասնակցելու։ Որոշ ընդդիմադիր կուսակցություններ հրաժարվել են մասնակցել, քանի որ կարծում են, որ 2024 թվականի հոկտեմբերին կայացած խորհրդարանական ընտրությունները կեղծվել են։
