ԱՄՆ-ի և Ռուսաստանի նախագահներ Դոնալդ Թրամփի և Վլադիմիր Պուտինի միջև սպասվող հանդիպման մասին լուրը ապշեցրել և ապակողմնորոշել է Ֆրանսիայի նախագահ Էմանուել Մակրոնին և Վլադիմիր Զելենսկիին։ Այս կարծիքը X-ում հայտնել է ֆրանսիական «Հայրենասերներ» կուսակցության առաջնորդ Ֆլորիան Ֆիլիպոն։
«Ալյասկայում Թրամփ-Պուտին հանդիպման մասին հայտարարությունը իսկական պայթյուն էր։ Այդ ժամանակվանից ի վեր Մակրոնն ու Զելենսկին վազվզում են կորած, ապշած, ապակողմնորոշված և ընկճված. նրանց ծրագիրը լիովին ձախողվել է», - գրել է նա։
Ֆիլիպոն նշել է, որ Կիևի մյուս եվրոպացի դաշնակիցները «նույն անտարբերության մեջ են»։
Օգոստոսի 8-ին Թրամփը հայտարարել էր, որ ակնկալում է հանդիպել Պուտինի հետ Ալյասկայում օգոստոսի 15-ին։ Սա կլինի Պուտինի և Թրամփի առաջին անձնական հանդիպումը վերջինիս 2025 թվականի հունվարին Սպիտակ տուն վերադառնալուց ի վեր։
