Կոլումբիացի սենատոր Միգել Ուրիբե Տուրբայը, որի դեմ մահափորձ էր կատարվել, մահացել է հիվանդանոցում, հաղորդում է Blu Radio-ն։
«Երկուշաբթի՝ օգոստոսի 11-ին, ժամը 2-ին, Բոգոտայի Սանտա Ֆե հիմնադրամի հիվանդանոցում մահացել է Միգել Ուրիբե Տուրբայը, որը մտադիր էր առաջադրվել նախագահի պաշտոնում։ Նա չի ապաքինվել արյունազեղման կաթվածի հետևանքով առաջացած վիճակի վատթարացումից», - ասվում է հայտարարության մեջ։
Հունիսին տեղի ունեցած հարձակման հետևանքով ընդդիմադիր Դեմոկրատական կենտրոնի սենատոր Ուրիբե Տուրբայը գլխի ծանր հրազենային վերքեր ստացավ, և բժիշկները երկու ամիս պայքարում էին նրա կյանքը փրկելու համար։
Օգոստոսի սկզբին հաղորդվեց, որ զինված հարձակման հետևում կարող էր կանգնած լինել «Երկրորդ Մարկետալիա» ապստամբական խմբավորումը։
