Իսպանիայի արտաքին գործերի նախարար Խոսե Մանուել Ալբարեսը հայտարարել է, որ դրական է վերաբերվում Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև Ուկրաինայում ստեղծված իրավիճակը կարգավորելու նպատակով կայանալիք հանդիպմանը։
Կրեմլը և Սպիտակ տունը նախկինում հայտարարել էին, որ Պուտինը և Թրամփը կհանդիպեն Ալյասկայում օգոստոսի 15-ին: Հանդիպման ճշգրիտ վայրը նահանգում դեռևս չի նշվել ո՛չ Մոսկվայի, ո՛չ էլ Վաշինգտոնի կողմից:
«Կարծում եմ՝ շատ դրական է, որ ինչ-որ մեկը նստում է Պուտինի հետ՝ խաղաղության մասին խոսելու համար», - TVE հեռուստաընկերությանը տված հարցազրույցում ասել է Ալբարեսը՝ պատասխանելով, թե ինչ է ակնկալում երկու առաջնորդների միջև կայանալիք հանդիպումից։
Ալբարեսը նշել է, որ ինքը աջակցում է այն ամենին, ինչը կարող է Ուկրաինայում իրավիճակը մոտեցնել խաղաղությանը։
