Վաշինգտոնի վարչակազմը չի պնդի ԱՄՆ գործող նախագահ Դոնալդ Թրամփի պատկերով 250 դոլարանոց թղթադրամի ներդրման վրա, եթե Կոնգրեսը չհաստատի այն, հունիսի 3-ին հայտարարել է ֆինանսների նախարար Սքոթ Բեսենթը։ «Իհարկե», – ասել է նա, երբ հարցրել են, թե արդյոք վարչակազմը կհրաժարվի ծրագրից, եթե Կոնգրեսը չհաստատի օրինագիծը։
«Մենք կհետևենք օրենքին», – վստահեցրել է նախարարը Սենատի ֆինանսական կոմիտեի լսումների ժամանակ։ Բեսենթը մայիսի վերջին հաստատեց, որ իր գերատեսչությունը մշակում է օրինագծի նախագիծը։ Ինչպես նա նշել էր այն ժամանակ, դրա ներդրման համար անհրաժեշտ կլինի օրենսդրական փոփոխություն։
Նախարարը նաև նշել էր, որ «ներկայումս ոչ մի անձ չի կարող հայտնվել ամերիկյան արժույթի վրա»։ Նա հավելել էր, որ այս պահանջը փոփոխող օրինագիծը քննարկվում է Ներկայացուցիչների պալատում։
