Իսրայելի պաշտպանության ուժերը (IDF) խոցել են Եմենի «Անսար Ալլահ» (հուսիթական) շարժման կողմից արձակված հրթիռը, չորեքշաբթի օրը հայտնել է Իսրայելի բանակի մամուլի ծառայությունը։
Չորեքշաբթի օրը ավելի վաղ Եմենից հրթիռային արձակումների պատճառով կենտրոնական Իսրայելի մի քանի շրջաններում, այդ թվում՝ Թել Ավիվում, հնչել են օդային հարձակման մասին ազդանշաններ։
«Իսրայելի մի քանի շրջաններում որոշ ժամանակ առաջ տագնապի ազդանշանների ակտիվացումից հետո, Իսրայելի ռազմաօդային ուժերը որսացել են Եմենից արձակված հրթիռ», - ասվում է բանակի Telegram ալիքում տեղադրված հայտարարության մեջ։
Հուսիթները 2023 թվականի վերջից ի վեր հարյուրավոր հրթիռներ և անօդաչու թռչող սարքեր են արձակել Իսրայելի ուղղությամբ՝ վկայակոչելով Գազայի պաղեստինցի ժողովրդի հետ համերաշխությունը, որտեղ շարունակվում է Իսրայելի ռազմական գործողությունը։
