Իսրայելի պաշտպանության ուժերը (IDF) Գազա քաղաքը հայտարարել են մարտական գոտի և վերացրել այնտեղ ամենօրյա մարտավարական դադարները, հայտարարել է IDF-ի խոսնակ Ավիխայ Էդրին։
«Այսօր՝ օգոստոսի 29-ին, ժամը 10:00-ից Գազա քաղաքում մարտավարական հումանիտար դադարը կավարտվի։ Այսուհետ այս տարածքը համարվում է մարտական գոտի», - արաբերենով գրել է Էդրին X-ում։
Նա ընդգծել է, որ այս որոշումը կայացվել է զինվորականների կողմից՝ «տեղում ստեղծված իրավիճակի գնահատման և հրեական պետության քաղաքական ղեկավարության հրահանգների հիման վրա»։
Իսրայելի պաշտպանության բանակի խոսնակը հայտարարել է, որ չնայած բանակը «կշարունակի աջակցել Գազայում մարդասիրական իրավիճակի բարելավմանն ուղղված բոլոր ջանքերին», զինվորականները «կշարունակեն իրենց հարձակումը անկլավում գտնվող ահաբեկչական խմբավորումների դեմ»։
