Բելառուսի նախագահ Ալեքսանդր Լուկաշենկոն հայտարարել է, որ չի ցանկանա կառավարել ավտորիտար ձևով, բայց առայժմ այլ ճանապարհ չկա։
«Ես չէի ցանկանա կառավարել ավտորիտար, բռնապետական ձևով։ Բայց մինչ այժմ դա չի ստացվել», - երկրի ղեկավարի խոսքերն է մեջբերում պետության ղեկավարի մամուլի ծառայությանը մոտ կանգնած Telegram ալիքը։ Սակայն նախագահի ասածի համատեքստը չի նշվում։
Մոգիլյովի մարզ կատարած այցի ընթացքում Լուկաշենկոն խորհրդակցություն է անցկացրել կարտոֆիլի մշակության զարգացման վերաբերյալ։ «Բերքահավաքը լիարժեք ընթացքի մեջ է։ Կառավարության կողմից պահանջված ամեն ինչ արվել է։
Հիմա արդյունքը կախված է ձեզանից։ Կարտոֆիլի հետ մեկտեղ հավաքվում է նաև ճակնդեղ, այդ թվում՝ շաքարի ճակնդեղ, հացահատիկի համար եգիպտացորեն, կաղամբ և գազար։ Տարին հեշտ չէր, բայց, կրկնում եմ, դաշտերում բերքը լավն է։ Այն պետք է հավաքվի և պահպանվի», - նախագահի խոսքերն է մեջբերում BelTA-ն։
