ԱՄՆ ռազմածովային ուժերը Վենեսուելայի ափեր են ուղարկել առնվազն ութ ռազմանավ՝ մի քանի հազար զինծառայողներով, գրում է Financial Times թերթը՝ հղում անելով աղբյուրներին։
Ավելի վաղ հաղորդվել էր, որ ԱՄՆ ուժերը երեք ռազմանավ են ուղարկում։
«Իրավիճակին ծանոթ աղբյուրների համաձայն՝ ԱՄՆ ռազմածովային ուժերը տարածաշրջան են ուղարկել առնվազն յոթ նավ, այդ թվում՝ երեք կառավարվող հրթիռային ականակիր, մեկ դեսանտային գրոհային նավ և մեկ կառավարվող հրթիռային հածանավ։ Բացի այդ, մեկ աղբյուրի համաձայն, տեղակայվել է միջուկային շարժիչով արագ գրոհային սուզանավ», - գրում է հրատարակությունը՝ ռազմածովային ներուժի նման մեծածավալ կուտակումը անվանելով անսովոր։
Աղբյուրներից մեկի փոխանցմամբ՝ երկու կառավարվող հրթիռային ականակիրներ՝ USS Jason Dunham-ը և USS Gravely-ն, այժմ գտնվում են Վենեսուելայի ափերի մոտ։ Երրորդ ականակիրը՝ USS Sampson-ը, այժմ գտնվում է Խաղաղ օվկիանոսում՝ Պանամայի հարավում, հայտնել է անանուն ամերիկացի պաշտոնյան։
