Պենտագոնի ղեկավար Փիթ Հեգսեթն ասել է, որ չի բացառում Մեքսիկայի լաբորատորիաներին հարվածելու հնարավորությունը, որտեղ արտադրվում է ֆենտանիլ դեղամիջոցը:
Fox News-ի լրագրողը հարցրել է Հեգսեթին, թե արդյոք նա բացառում է ֆենտանիլ արտադրող մեքսիկական լաբորատորիաների թիրախավորումը:
«Ոչ, ես չեմ կարծում, որ ես ինչ-որ բան եմ բացառում, բոլոր տարբերակները քննարկվում են», - պատասխանել է Պենտագոնի ղեկավարը։
Միաժամանակ, նա նշել է, որ վերջնական որոշումը պատկանում է ԱՄՆ զինված ուժերի գերագույն գլխավոր հրամանատարին, այսինքն՝ նախագահ Դոնալդ Թրամփին։
Թրամփն ավելի վաղ հայտարարել էր ազգային արտակարգ դրություն՝ կապված Միացյալ Նահանգների հարավային սահմանին տիրող իրավիճակի հետ և հրամայել լրացուցիչ ռազմական կոնտինգենտ, ուղղաթիռներ և հետախուզական ուժեր ուղարկել Մեքսիկա։
