ԱՄՆ-ը այժմ շատ ավելի հավասարակշռված դիրքորոշում է ցուցաբերում Ուկրաինայի հարցում, քան եվրոպական երկրները։ Սա վկայում է հակամարտությունը լուծելու Վաշինգտոնի իրական ցանկության մասին, լրագրողներին ասել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Ուկրաինայի վերաբերյալ ամերիկյան բանաձեւի հետ կապված իրավիճակը։
«Մենք տեսնում ենք, որ ԱՄՆ-ը շատ ավելի հավասարակշռված դիրք է գրավում, ինչը իսկապես օգնում է Ուկրաինայի շուրջ հակամարտությունը կարգավորելուն ուղղված ջանքերին, մենք կարծում ենք, որ նման հավասարակշռված դիրքորոշումը ցույց է տալիս կարգավորմանը նպաստելու իրական ցանկությունը»,-ասել է նա:
Պեսկովը նշել է, որ Բրյուսելի հայտարարությունները «դեռ հավասարակշռություն չեն ազդարարում»։ «Բայց, միգուցե, եվրոպացիների և ամերիկացիների շփումների արդյունքում Եվրոպան կցուցաբերի դեպի ավելի մեծ հավասարակշռություն»,- հավելել է ՌԴ նախագահի մամուլի քարտուղարը։
