Պաղեստինյան արմատական ՀԱՄԱՍ շարժումը կկործանվի, եթե չվերադարձնի 2023 թվականին առևանգված բոլոր իսրայելցի պատանդներին։ Այս մասին հայտարարել է ԱՄՆ նախագահ Դոնալդ Թրամփի պատանդների հարցերով հատուկ ներկայացուցիչ Ադամ Բեհլերը։
«Եթե ես լինեի նրանց տեղը, ես կազատեի բոլորին, հակառակ դեպքում` նրանք կանգնած են լիակատար ոչնչացման հետ հենց հիմա», - ասել է նա CNN-ի եթերում:
«Ես մի խորհուրդ ունեմ ՀԱՄԱՍ-ին. դուք պետք է անհապաղ վերադարձնեք Շիրի Բիբասի մարմինը», - ասել է Բեհլերը:
Ավելի վաղ Իսրայելի վարչապետ Բենիամին Նեթանյահուն հայտարարել էր, որ իսրայելցի պատանդ Շիրի Բիբասի դիակի փոխարեն արմատականները հանձնել են Գազայի անհայտ բնակչի մարմինը՝ դա անվանելով անկլավում հրադադարի համաձայնագրի ստոր խախտում։
Արմատականները պնդում են, որ փետրվարի 20-ին Գազայի հատվածում Կարմիր Խաչին են հանձնել Բիբասի ընտանիքի երեք անդամների և Օդեդ Լիֆշիցի մարմինները։ Բիբասներից ամենակրտսերը՝ Քֆիրը, 9 ամսական էր առևանգման պահին՝ 2023 թվականի հոկտեմբերի 7-ին, նրա եղբայրը՝ Արիելը, 4 տարեկան։
