Այսուհետ Էկոպարեկները մարտական զենք կկրեն։ Այսպես, Էկոպարեկային ծառայությունը 25 մլն 200 հազար դրամի պայմանագիր է կնքել «Եգեր» ՍՊԸ-ի հետ, «Baikal MP- 71» տեսակի ատրճանակ ձեռք բերելու համար։
Ըստ պայմանագրի՝ ձեռք է բերվել 230 հատ մարտական ատրճանակ։
Տեղեկացնենք, որ Էկոպարեկային ծառայությունը գործում է Շրջակա միջավայրի նախարարության ենթակայության տակ և նրանց խնդիրներն են՝
1) պետական անտառների, անտառային հողերի եւ բնության հատուկ պահպանվող տարածքների պահպանության ապահովումը
2) օրենսդրությամբ սահմանված իրավասության սահմաններում Օրենսդրության խախտումների հայտնաբերման, կանխման, կանխարգելման ապահովումը.
3) պետական անտառների, անտառային հողերի եւ բնության հատուկ պահպանվող տարածքների պահպանության կանոնների պահպանման ապահովումը, անտառներում եւ բնության հատուկ պահպանվող տարածքներում հրդեհային անվտանգության նկատմամբ հսկողության իրականացումը.
4) Հայաստանի Հանրապետությունում բնության հատուկ պահպանվող տարածքների էկոհամակարգերի եւ դրանց բաղադրիչների պահպանության, բնականոն զարգացման վրա մարդածին բացասական ազդեցության կանխարգելման կամ մեղմացման ապահովումը։
Խնդիրներից պարզ է դառնում, որ Էկոպարեկներին մարտական ատրճանակով զինելու կարիք բնավ չկա։
