Գերմանիայում ՆԱՏՕ-ի նոր հրամանատարական կետի ստեղծումը Ուկրաինային աջակցելու համար, որը պետք է աշխատանքները սկսեր անցյալ տարվա աշնանը, հետ է մնում ժամանակացույցից, հայտնում է Bloomberg-ը՝ վկայակոչելով աղբյուրներին։
Հունիսին ՆԱՏՕ-ի երկրների պաշտպանության նախարարները համաձայնեցրել էին Կիեւին ռազմական աջակցության գործում ՆԱՏՕ-ի համակարգող դերի ուժեղացման ծրագիրը, հաղորդվում էր, որ Գերմանիայի Վիսբադենի եւ Արեւելյան Եվրոպայի երկրների հրամանատարական կառույցները կմասնակցեն Ուկրաինային զենքի մատակարարումների համակարգմանը:
ՆԱՏՕ-ի նախկին գլխավոր քարտուղար Յենս Ստոլտենբերգի խոսքով ՝ այդ ծրագրում ներգրավված անձնակազմը բաղկացած կլինի շուրջ 700 աշխատակիցներից, իսկ Ուկրաինայի զինվորականների պատրաստությունը կիրականացվի դաշնակիցների կողմից դաշինքի երկրների տարածքում:
