Ամուլսարի հանքի մեկնարկային աշխատանքների համար պետք է 250 մլն դոլար, 100 մլն դոլարը գտել են, մյուս 150 մլն դոլարն ուզում են վերցնել մեր բանկերից, և այստեղ որոշակի պետական աջակցության ակնկալիք կա:
Այս մասին 2025 թվականի պետբյուջեի նախագծի քննարկման ժամանակ ասաց ՀՀ էկոնոմիկայի նախարար Գևորգ Պապոյանը՝ անդրադառնալով այն հարցին, թե ի՞նչ զարգացումներ կան Ամուլսարի հանքի շահագործման հետ կապված: Այս մասին հայտնում է Lurer.com-ը:
«Էկոնոմիկայի նախարարությունը պատվիրել է աուդիտ, և դրա արդյունքում կպարզվի՝ մենք կմտնե՞նք դրա տակ, թե՞ չէ, թե՞ Ամուլսարը գնա, ֆինանսավորման այլ աղբյուր ման գա, կամ, օրինակ, ասենք, դա պետք է տեղի ունենա առանց Հայաստանի մասնակցության» ,- ասաց նա։
Միաժամանակ Պապոյանը հույս հայտնեց, որ հանքի բուն շահագործումը կսկսվի չորրորդ եռամսյակում, և դրա արդյունքում մեր երկրի համախառն արդյունաբերական արտադրանքի աճը եկող տարի կլինի ավելի բարձր, քան այս տարի է եղել: «5,3 % էինք ակնկալում, այս տարի՝ 3,7 %:
Հենց դրա հաշվին էինք ակնկալում այդ աճը»,- շեշտեց Պապոյանը։
