2026 թվականի օգոստոսին Պարենի և գյուղատնտեսության կազմակերպության (FAO) պարենային գների ինդեքսի միջին արժեքը հուլիսյան ցուցանիշի համեմատ աճել է 1,9%-ով և կազմել 133,3 կետ։ Այդ մակարդակը առավելագույնն է 2022 թվականի նոյեմբերից ի վեր և 2,5%-ով բարձր է, քան 2025 թվականի օգոստոսին։
Ամսվա արդյունքներով այս կամ այն չափով աճել են բոլոր հիմնական ապրանքային խմբերի գները, հաղարդում է «Агроэкспорт»-ը։ Այսպես, օգոստոսի ընթացքում հացահատիկայինների գների ինդեքսի միջին արժեքն աճել է 2,2%-ով՝ հասնելով 2024 թվականի մայիսից ի վեր ամենաբարձր մակարդակին։ Բուսական յուղերի գների ինդեքսը մեկ ամսում բարձրացել է 0,6%-ով (առավելագույնը՝ 2022 թվականի հունիսից ի վեր), մսինը՝ 1%-ով, կաթնամթերքինը՝ 2,3%-ով, շաքարինը՝ 11,9%-ով։
«Օգոստոսյան աճը պարենի համաշխարհային գների նախազգուշացում է այն մասին, որ պարենային շուկաներ վերադառնում է ռիսկի հավելավճարը․ կլիմայական ցնցումները, աշխարհաքաղաքական լարվածությունը և առևտրային լոգիստիկայի խափանումները հանգեցնում են մատակարարումների սպասումների խստացմանը՝ ցույց տալով, որ կայունությունը, բաց առևտուրը և ռեսուրսների հուսալի հոսքերն այժմ առանցքային նշանակություն ունեն պարենի համաշխարհային գների կայունության համար»,- հայտարարել է Պարենի և գյուղատնտեսության կազմակերպության գլխավոր տնտեսագետ Մաքսիմո Տորերոն։
