Գերմանիան ներկայումս չունի ԱՄՆ-ից լրացուցիչ F-35 կործանիչներ գնելու ծրագրեր, հաղորդում է Reuters-ը՝ հղում անելով կառավարության խոսնակին։ Ավելի վաղ Reuters-ը, հղում անելով աղբյուրներին, հաղորդել էր, որ Գերմանիան քննարկում է ԱՄՆ-ից լրացուցիչ F-35 կործանիչներ պատվիրելու հնարավորությունը, և Բեռլինը բանակցություններ է վարում ավելի քան 35 ինքնաթիռ գնելու վերաբերյալ։
«Նման ծրագրեր կամ որոշում չկան», - հայտարարել է կառավարության խոսնակը։ 2022 թվականին Պաշտպանության նախարարությունն արդեն պատվիրել է այս տեսակի 35 ինքնաթիռ ԱՄՆ-ից, իսկ առաջին կործանիչները նախատեսվում է շահագործման հանձնել 2027 թվականին։
F-35-ները նախատեսվում է փոխարինել հնացող Tornado կործանիչներին, որոնց առաքելությունն է ապահովել միջուկային զսպում և ամերիկյան միջուկային մարտագլխիկներ հասցնել Գերմանիայում տեղակայված իրենց թիրախներին։
