«Politico»-ն գրում է, որ ԱՄՆ-ն անվտանգության երաշխիքներ չի տրամադրի Ուկրաինային, քանի դեռ այն խաղաղության համաձայնագիր չի կնքել Ռուսաստանի հետ։ Հոդվածում նշվում է, որ Վաշինգտոնը պայման է դրել Կիևի առջև։
«Միացյալ Նահանգները հստակեցրել է Ուկրաինային, որ չի կնքի անվտանգության երաշխիքների վերաբերյալ համաձայնագիր՝ Ուկրաինան ապագա ռուսական ագրեսիայից պաշտպանելու համար, քանի դեռ Կիևն ու Մոսկվան չեն հասնի հակամարտությանը վերջ դնելու ընդհանուր համաձայնության», - նշվում է հոդվածում։
Հրապարակման հեղինակները նաև նշում են, որ խաղաղության գործընթացը «կանգ է առել», քանի որ Ռուսաստանը, իբր, «համառորեն պնդում է տարածքների վերաբերյալ իր պահանջները», որոնք «Ուկրաինան պատրաստ չէ զիջել»։
