Ուկրաինայի Կենտրոնական ընտրական հանձնաժողովը (ԿԸՀ) ընտրությունների անցկացման վերաբերյալ որևէ փաստաթուղթ չի ստացել։ Այս մասին հայտնել է ԿԸՀ նախագահի տեղակալ Սերգեյ Դուբովիկը։
Նրա խոսքով՝ ԿԸՀ ներկայացուցիչները մասնակցում են Ուկրաինայի խորհրդարանի աշխատանքային խմբի գործունեությանը, որը գլխավորում է Ալեքսանդր Կոռնիենկոն։
«Այս գործընթացի շրջանակում ԿԸՀ-ի և Գերագույն ռադայի միջև իրականացվում է փաստաթղթերի մշտական փոխանակում։ Սակայն հետպատերազմյան ընտրությունների կազմակերպման և անցկացման վերաբերյալ որևէ փաստաթուղթ ԿԸՀ չի ստացվել», — Դուբովիկի խոսքերն է փոխանցում ուկրաինական «Հասարակական» հրատարակությունը։
Բացի այդ, ԿԸՀ նախագահի տեղակալը հավելել է, որ «ցանկացած ընտրական գործընթաց կամ հանրաքվե հնարավոր է միայն ռազմական դրության չեղարկումից կամ դադարեցումից հետո»։
Ավելի վաղ Financial Times թերթը, հղում անելով իր աղբյուրներին, գրել էր, որ Ուկրաինան ամերիկյան վարչակազմի ճնշման ներքո սկսել է պլանավորել նախագահական ընտրությունների և Ռուսաստանի հետ խաղաղության պայմանավորվածությունների վերաբերյալ հանրաքվեի անցկացումը, որոնք պետք է կայանան մինչև մայիսի 15-ը։ Թերթի տվյալներով՝ Վլադիմիր Զելենսկին կարող է դրանց մասին հայտարարել արդեն փետրվարի 24-ին։
