Իրանի նախագահ Մասուդ Փեզեշքիանը հայտարարել է, որ Իրանը չի պատրաստվում զարգացնել միջուկային զենք և պատրաստ է ցանկացած տեսակի մոնիտորինգի այդ հարցով։ Այս մասին նա նշել է Իսլամական հեղափոխության 47-ամյակի կապակցությամբ հանրությանը ուղղված խոսքում, հայտնում է TASS-ի թղթակիցը։
«Մենք անկեղծ ենք աշխարհի և մեր ժողովրդի հետ։ Մենք չենք ձգտում միջուկային զենք ստեղծել։ Մենք բազմիցս հայտարարել ենք դրա մասին և պատրաստ ենք ցանկացած ստուգման։ Բայց այն բարձր անվստահության պատը, որը ԱՄՆ–ը և Եվրոպան կառուցել են իրենց ելույթներով, թույլ չի տալիս, որ այս բանակցությունները արդյունք տան։
Իրանը չի խոնարհվի իրենց չափազանց պահանջների առաջ։ Իրանը չի զիջի անարդարությանը և ագրեսիային։ Մենք երկխոսություն ենք վարում հարևան երկրների հետ՝ տարածաշրջանում խաղաղության և կայունության համար», — ասել է նա։
