ԱՄՆ նախագահի հատուկ դեսպանորդ Սթիվեն Ուիթքոֆը այս շաբաթ կայցելի Իսրայել՝ երկրի վարչապետ Բինյամին Նեթանյահուի և հրեական պետության ռազմական ղեկավարության հետ բանակցություններ վարելու նպատակով։ Այդ մասին Reuters գործակալությունն է հայտնել՝ հղում անելով իր աղբյուրներին։
Աղբյուրի համաձայն՝ Ուիթքոֆֆի այցը Իսրայել պետք է սկսվի փետրվարի 3-ին:
Նախօրեին Reuters և The Jerusalem Post թերթերը հայտնել էին, որ նախորդ շաբաթվա վերջում Իսրայելի զինված ուժերի գլխավոր շտաբի պետ, գեներալ-լեյտենանտ Էյալ Զամիրը գաղտնի այցելել է Վաշինգտոն՝ ԱՄՆ ռազմական ղեկավարության հետ խորհրդատվություններ անցկացնելու համար։
Թերթի տեղեկություններով՝ այցի ընթացքում Զամիրը ամերիկացի գործընկերներին ներկայացրել է «խիստ զգայուն հետախուզական տեղեկություններ», ինչպես նաև քննարկել է «Իրանի դեմ ռազմական տարբերակները» և փորձել ազդել Վաշինգտոնի և Թեհրանի միջև դիվանագիտական բանակցությունների վրա։
Վաշինգտոնից վերադարձի պահին գեներալը հանդիպել է Իսրայելի պաշտպանության նախարար Իսրայել Կացին և զեկուցել այցի արդյունքների մասին։
