ԱՄՆ նախագահ Դոնալդ Թրամփը, որը սպառնացել էր մաքսատուրքեր սահմանել Կուբայի հետ նավթի առևտուր անող երկրների համար, մտադիր է խեղդել կղզու տնտեսությունը, հայտարարել է Կուբայի նախագահ Միգել Դիաս-Կանել Բերմուդեսը։
«Ճշմարտությանը չհամապատասխանող և հիմար նախադրյալի տակ, որը տարածում են նրանք, ովքեր զբաղվում են քաղաքականությամբ և հարստանում մեր ժողովրդի տառապանքների հաշվին, նախագահ Թրամփը մտադիր է խեղդել կուբայական տնտեսությունը՝ սահմանելով տուրքեր այն երկրների վրա, որոնք ինքնիշխանորեն առնում և վաճառում են Կուբայի նավթը»,-գրել է նա X սոցիալական ցանցում։
Կուբայի նախագահը ԱՄՆ-ի նոր միջոցառումները անվանել է «հանցագործ» և «ֆաշիստական»։
