Ճապոնիայի դատարանը պարտավորեցրել է երկրի կառավարությանը Կադենա քաղաքի բնակիչներին վճարել ընդհանուր մոտ 16,3 միլիոն ԱՄՆ դոլար փոխհատուցում՝ ԱՄՆ օդուժի նույնանուն ավիաբազայից թռչող ինքնաթիռների աղմուկի համար, հայտնում է Պենտագոնի Stars and Stripes թերթը՝ հղում անելով դատարանի փաստաթղթերին։
Դատարանը որոշել է, որ ամերիկյան ինքնաթիռներից առաջացած աղմուկային աղտոտումը խախտում է քաղաքի բնակիչների առօրյա կյանքը և նրանց պատճառում է «հոգեբանական վնաս՝ վախ, քնի խանգարումներ և ինքնաթիռների վթարների հնարավորության մասին անհանգստություն»։
Բնակիչները կստանան փոխհատուցում 2019 թվականի սկզբից մինչև 2025 թվականի կեսը հասցված վնասի համար։ Վճարման չափը կախված կլինի բնակչի՝ ավիաբազայից հեռավորությունից և այնտեղ որքան երկար է ապրում։ Մինչդեռ դատարանը մերժել է հայցվորների պահանջը՝ սահմանափակել ԱՄՆ օդուժի գործունեությունը բազայում, քանի որ Ճապոնիայի կառավարությանը նման լիազորություն չունի։
Դատարանի ներկայացուցիչը լրագրողների հետ զրույցում նշել է, որ փոխհատուցում ստանալիք մարդկանց ճշգրիտ թիվը հայտնի չէ, քանի որ ավելի քան 5 հազար հայցվորներից որոշները կարող էին հետ վերցնել իրենց հայցերն կամ չեն հասցրել սպասել վերջնական որոշմանը։
