Գրենլանդիայի մայրաքաղաք Նուուքում մի տղամարդ փորձել է բարձրացնել ԱՄՆ դրոշը, սակայն չի հասցրել դա անել, քանի որ նրան կանգնեցրել են անցորդները, հայտնում է դանիական TV2 հեռուստաընկերությունը՝ հղում անելով տեղական ոստիկանությանը։
«Տղամարդը փորձել է բարձրացնել ամերիկյան դրոշը Նուուքում։ Անցորդները կանգնեցրել են տղամարդուն, մինչ նա կհասցներ բարձրացնել դրոշը», — ասվում է հաղորդագրությունում։
Նշվում է, որ ոստիկանությունը հետաքննություն է իրականացնում։
Գրենլանդիան մտնում է Դանիայի թագավորության կազմի մեջ։ Այնուամենայնիվ, ԱՄՆ նախագահ Դոնալդ Թրամփը բազմիցս հայտարարել է, որ կղզին պետք է դառնա ԱՄՆ մաս։
Դանիայի և Գրենլանդիայի իշխանությունները նախազգուշացրել են Վաշինգտոնին կղզու բռնակցման փորձերից՝ նշելով, որ սպասում են իրենց տարածքային ամբողջության նկատմամբ հարգանքի։
