Թեհրանը միշտ ողջունել է և ձգտել է Վաշինգտոնի հետ արդար համաձայնության հասնել Իրանի միջուկային ծրագրի շուրջ ստեղծված ճգնաժամի կարգավորման հարցում։ Այդ մասին հայտարարել է Իրանի արտաքին գործերի նախարար Աբբաս Արաղչին։
«Իրանը միշտ ողջունել է փոխշահավետ, արդար և հավասար իրավունքների վրա հիմնված միջուկային համաձայնությունը՝ առանց հարկադրանքի, սպառնալիքների և ահաբեկման, որը երաշխավորում է Իրանի իրավունքները խաղաղ միջուկային տեխնոլոգիաների վրա և բացառում է միջուկային զենքի առկայությունը», — գրել է նա X սոցիալական հարթակում։
Միևնույն ժամանակ, Արաղչիի խոսքով, Իրանը դասեր է քաղել 12-օրյա պատերազմից, և Իսլամական Հանրապետության զինված ուժերը պատրաստ են «անմիջապես և վճռականորեն արձագանքել ցանկացած ագրեսիայի»։
Ավելի վաղ ԱՄՆ նախագահ Դոնալդ Թրամփը հույս էր հայտնել, որ Իրանի ներկայացուցիչները կվերադառնան բանակցությունների սեղանի շուրջ և կկնքեն համաձայնություն, որը ենթադրում է միջուկային զենքից հրաժարում։ Հակառակ դեպքում ամերիկյան առաջնորդը սպառնացել է Թեհրանին հարվածով, որը, նրա խոսքով, «շատ ավելի ծանր կլինի, քան 2025 թվականի հունիսին տեղի ունեցածը»։
