Միացյալ Նահանգները չեն նախատեսում իրենց բազաները տեղակայել Արեւմտյան Աֆրիկայում՝ Նիգերի ռազմական օբյեկտից 2024-ին զորքերի դուրսբերումից հետո։ Այս մասին հայտնել է ԱՄՆ ԶՈւ Աֆրիկայի հրամանատարության (AFRICOM) տեղակալ, գեներալ Ջոն Վ. Բրենանը կրտսերը։
«Մենք չենք պատրաստվում որտեղ էլ լինի ստեղծել անօդաչու սարքերի բազաներ։ Մեր առաջնահերթությունն այն է, որ անհրաժեշտ ուժերն ու միջոցները հասնեն ճիշտ ժամանակին և ճիշտ տեղ, այնուհետև հեռանանք։ Մենք ձգտում չունենք երկարաժամկետ տեղակայվել Արեւմտյան Աֆրիկայի երկրներում», — նշել է նա Agence France-Presse-ին տված հարցազրույցում։Խոսելով Սահելի տարածաշրջանի իրավիճակի մասին՝ ռազմական ղեկավարն ընդգծել է, որ ԱՄՆ-ը շարունակում է համագործակցել Բուրկինա Ֆասոի, Մալիի և Նիգերի հետ, որտեղ իշխանության են եկել զինվորականներ։
Սակայն 2020-2023 թվականներին ԱՄՆ-ը պաշտոնապես դադարեցրել է անվտանգության ոլորտում համագործակցությունը այդ երկրների հետ՝ այնտեղ տեղի ունեցած ռազմական հեղաշրջումների պատճառով։ «Մենք իսկապես տեղեկատվություն ենք կիսել որոշների հետ, որպեսզի նրանք կարողանային հարվածներ հասցնել ահաբեկչական հիմնական նպատակներին։Մենք շարունակում ենք պահել կապը մեր ռազմական գործընկերների հետ Սահելի երկրներում, թեև ոչ պաշտոնական ձևով», — հավելել է Բրենանն կրտսերը։
